බොරතෙල් මෙට්රික්ටොන් 99,000 ක් සහිත නෞකාවකට ගෙවීමට ඩොලර් කෝටි 7 ක් හෙවත් රුපියල් කෝටි 2500 කට අධික මුදලක් නොමැති වීමෙන් දින 20 ක කාලයක් කොළඹ වරායට ආසන්න මුහුදේ නැංගුරම්ලා තිබෙන බව බලශක්ති අමාත්යංශයේ නිලධාරියකු අද (10) පැවසීය.
මෙම නෞකාව නැංගුරම්ලා තිබෙන දිනකට ප්රමාද ගාස්තු ලෙස ඩොලර් ලක්ෂ එකහමාරක් ගෙවියයුතු බව කී එම නිලධාරියා ඒ අනුව එම නෞකාවට මේ වන විට ඩොලර් ලක්ෂ 30 ක් හෙවත් රුපියල් කෝටි 110 ක් අධික ප්රමාද ගාස්තුවක් ගෙවීමට සිදුවන බව ද සඳහන් කළේය.
කොරල් එනර්ජි සමාගමෙන් ඇනවුම් කළ ඌරල් නැමැති බොරතෙල් අඩංගු මෙම නෞකාව පසුගිය සැප්තැම්බර් මස 20 වැනිදා ශ්රී ලංකාවට ළගාවූ බවත් එය නිදහස් කරගැනීමට මුදල් අමාතයංශය සහ භාණ්ඩාගාරය සමඟ අඛණ්ඩව සාකච්ඡා කරමින් සිටින බවත් එම නිලධාරියා කීය.
ඌරල් නැමැති බොරතෙල් වර්ගය ප්රමිතියෙන් තොර බවට මේ වන විට චෝදනා එල්ල වෙමින් තිබෙන අතර එවැනි බොරතෙල් වර්ගයක් තව දුරටත් ආනයනය කිරීම සම්බන්ධයෙන් බලශක්ති ක්ෂේත්රයේ විවිධ පාර්ශවවලින් විරෝධය එල්ල වී තිබේ.