යාල ජාතික වනෝද්යානය ඇතුළු මෙරට ජාතික වනෝද්යාන නැරඹීමට පැමිණෙන විදේශීය සංචාරකයින්ට ඩොලර් මගින් ගෙවීම් කර ප්රවේශපත් ලබා ගැනීමේ පහසුකම් මෙම ජනවාරි මාසයේ සිට ආරම්භ කිරීමට වනජීවී හා වනසම්පත් සංරක්ෂණ අමාත්යාංශය කටයුතු යොදා තිබේ.
රටේ ආර්ථිකයට ඩොලර් ඉපයීම අරමුණු කර ගනිමින් මෙම පියවර ගන්නා ලෙස කෘෂිකර්ම වනජීවී හා වනසම්පත් සංරක්ෂණ අමාත්ය මහින්ද අමරවීර මහතා වනජීවී හා වනසම්පත් සංරක්ෂණ අමාත්යාංශයේ නිලධාරීන්ට උපදෙස් දී තිබිණි.
ඒ අනුව මෙම වැඩපිළිවෙළ මෙම ජනවාරි මාසය ඇතුලත ආරම්භ කරන බවත්, පළමුව යාල ජාතික වනෝද්යානයෙන් එම වැඩ පිළිවෙළ ක්රියාත්මක කිරීමට පියවර ගන්නා බවත් එම අමාත්යාංශයේ ලේකම් චන්ද්රා හේරත් මහත්මිය අමාත්යවරයාට දැනුම් දී තිබේ.