මැදපෙරදිග ගෘහ සේවය සඳහා විදේශගත වූ මෙරට කාන්තාවන්ට මුහුණ දීමට සිදු වූ විවිධ හිරිහැර සම්බන්ධ පුවත් නිරන්තරයෙන් වාර්තා වෙනවා.
එමෙන්ම ගෘහ සේවයට ගොස් ඇති කාන්තාවන්ගේ මෙරට සිටින දරුවන්ට ද නිසි රැකවරණයක් නොමැති වීම හේතුවෙන් විවිධ සිදුවීම්වලට මුහුණ දීමට සිදුවන බව නොරහසක්.
මෙවන් වාතාවරණයක විදේශ රැකියා සඳහා පිටව යන කාන්තාවන් වෙත නව නීති පැනවීමට රජය තීරණය කර තිබෙනවා.
ඒ අනුව වයස අවුරුදු 5 ට වඩා අඩු දරු දැරියන් සිටින කාන්තාවන්ට රැකියා සඳහා විදෙස්ගත වීම තහනම් වනු ඇති.
අවුරුදු 2 ට වැඩි දරුවන් මෙරට තනි කොට දමා විදෙස් ගතවීමට මීට පෙර නීතිමය හැකියාව තිබුණා.
එහෙත් දරුවන්ගේ ආරක්ෂාව ගැන අවධානය යොමුකර එම වයස අවුරුදු 5 දක්වා වැඩි කිරීමටයි තීරණය කර ඇත්තේ.
කාන්තා හා ළමා කටයුතු අමාත්‍යංශය මගින් එම නීතිය හඳුන්වා දීමට නියමිතව තිබෙනවා.